Бұл жиынның басты тақырыбы "Оқу жылының аяқталуы" болды. Мектептің акт залында ата-аналар, педагогтар, мектеп әкімшілігі жиналды. Сондай-ақ, жиналысқа Қостанай қаласының білім бөлімі басшысының орынбасары Қарыбаева Бибі Серікқызы да қатысты. Ол сыбайлас жемқорлыққа қарсы заңнама, мектеп бітіруші түлектердің кештерін өткізу ережелері туралы тақырып қозғады. Директордың оқу ісі жөніндегі орынбасары Доскалиева А. А. ата-аналарды 9,11 сыныптарда қорытынды аттестаттаудың өткізілетіні туралы және 2021-2022 оқу жылының жазғы мектептің жұмыс жоспары туралы хабардар етті. Директордың тәрбие ісі жөніндегі орынбасары Сулейменова Д.С. жазғы кезеңде, балалрдың жазғы сауықтыру алаңының жұмыс жоспарымен таныстырып өтті. Жазғы демалыстың қауіпсіздік техникасы және кәмелетке толмаған балалардың көшеде жүру уақыты мәселелері бойынша, ювеналды полицияның аға инспекторы Сұлтанханова А.С. түсініктеме берді. Ата-аналар жиналысының соңында мектептің педагог - жантанушысы Гаан В.А. ата-аналарға балалардың бойында құндылық қасиеттерін қалыптастыру бойынша кеңестер берді.
