«Заң және тәртіп» айлығы аясында «Құқықтар мен жауапкершілік» тақырыбы бойынша 8 «А» және 8 «Б» сынып оқушылары арасында дебат өткізілді.
Дебаттың мақсаты — оқушылардың құқықтық сауаттылығын арттыру, өз ойын дәлелді түрде жеткізу дағдыларын дамыту, сондай-ақ құқық пен жауапкершіліктің өзара байланысын түсіндіру.
Іс-шара барысында оқушылар адам құқықтарының маңызы, қоғам мен мектептегі жауапкершіліктің рөлі туралы пікір алмасты, өмірден алынған мысалдар келтіріп, қарсы тараптың көзқарасын құрметтеуді үйренді. Екі команда да белсенділік танытып, логикалық ойлау қабілеттерін көрсетті.
Дебат қорытындысында оқушылар құқық пен жауапкершілік бір-бірімен тығыз байланысты екенін және олардың сақталуы мектептегі тәртіп пен өзара сыйластықтың негізі екенін атап өтті.
